القلم الجريح القلم الجريح القلم الحزين القلم الباكي

مدونة الشاعر مللك الأحزان خالد الكينج


عدد المعجبين43الاعجاب
إنشاء موضوع جديد  إضافة رد
لولو330
افتراضي مدونة الشاعر مللك الأحزان خالد الكينج

مدونة الشاعر مللك الأحزان خالد الكينج


بسم الله الرحمن الرحيم
في هذة الصفحة قمت بجمع أشعار أخويا في الله (ملك الأحزان خالد الكينج)

مدونة الشاعر مللك الأحزان خالد الكينج خالد الكينج
شخصيه هامه

وأحببت أن أفاجئة بوضع جميع أشعارة هنا في هذة المدونة
أرجو عند النقل كتابة منقول للأمانة ولحقوقية الشاعر
نبدء على بركة الله


المواضيع المتشابهه:
ويجا و خالد الكينج معجبون بهذا.


 
من مواضيعي في كريزي مان

* أمى
* أن لأحلامك أبواب!!
* ثلاثة أعمال تحرم بدنك عن النارفلا تفوتها
* ترجمة أحاسيس
* صفات السبعين ألفاً الذين يدخلون الجنة بغير حساب
* رصاصة مدفوعة الثمن والضمير مااات
* دعاءرائع في سورة البقرة
* رسائل أمل
* سبـع ورود تقطفها تجعلكـ انسآناً آخر
* القدر المؤلم


التعديل الأخير تم بواسطة لولو330 ; 09-15-2013 الساعة 03:59 AM
لولو330
افتراضي رد: مدونة الشاعر مللك الأحزان خالد الكينج

بنـــــــات مصـــــر وشبابهـــــــا
الصراحة انا عايز

اهدي الكلام ده لكل اهل المنتدى

من قلبي لكل قلوبكم

يا عيني على مصر وبنات مصر وشبابها

ياعيني عليها بتحضن بقلبها كل احبابها

مصر دي غالية عليا

هي قلبي ونور عينيا

انا بعشقها وبموت فيها

هي بلدي التانية الله يحميها

يا عيني على مصر وبنات مصر وشبابها


من كل قلبي بقول لكل مصري بقول

اني انا بحب مصر وهفضل احبها على طول

انا زرت كتير بلدان ما لقيتش زي مصر

انا حبيتها واتمنيت افضل فيها

اعيش فيها على البلاط مش عايز قصر

بس افضل جنب حبايبي الي فيها


يا عيني على مصر وحلاوة مصر الغالية على قلبي

حبيبة قلبي مصر وبنات مصر وشبابها

مذكورة في القرآن واللي ذكرها رب الناس وربي

يا عيني عليها ام الدنيا وعلى شبابها


الاسكندرية الجيزة القاهرة الاهرامات

دي بلد مليانة يا عالم حضـــــــــارات

عالم جدعان وطيبين بجد

ناس قلوبهم مليانة حب وود

80 مليون اجدع ناس في الكون

غاليين عليا وبحبهم من كل لون

تعيشي يا مصر يا غالية وتستاهلي كل الكتابات


أنــــــــــــا بحـــــــــــب مصـــــــــــر وبنات مصر وشبابهـــــــــا الغاليين




ويجا, خالد الكينج و *لينا* معجبون بهذا.


 
من مواضيعي في كريزي مان

* أمى
* أن لأحلامك أبواب!!
* ثلاثة أعمال تحرم بدنك عن النارفلا تفوتها
* ترجمة أحاسيس
* صفات السبعين ألفاً الذين يدخلون الجنة بغير حساب
* رصاصة مدفوعة الثمن والضمير مااات
* دعاءرائع في سورة البقرة
* رسائل أمل
* سبـع ورود تقطفها تجعلكـ انسآناً آخر
* القدر المؤلم

لولو330
افتراضي رد: مدونة الشاعر مللك الأحزان خالد الكينج

خـــــــدنــــــي بيــــــــن أحضــــــانــــــــك
خدني بين أحضانك انا يا عمري محتاج حنان

ضمني في قلبك نسيني بيك قسوة الزمان

انا يا حبيبي مجروح ** عايش الحياة حلاوة روح

أنا قلبي ياما انجرح وفحضنك انتا بس حسيت بالأمان

خدني معاك نسيني الماضي نسيني عمري اللي ضاع عالفاضي

حسسني بوجودي وقوللي بحبك خليني أدوب حنـــــان

انا قبلك ياما شفت الويل ** ياما تعبت وياما سهرت الليل

قربني منك خليك جنبي ريحني بقربك أصل أنا بجد تعبان

قبل ما اشوفك كنت بحلم بيك من قبل ما اقابلك كنت بفكر فيك

عشقت حياتي لما عشقتك انا قبلك مكنش ليا في الحب مكان

انا يا حبيبي ياما قلبي ارتمى ** ياما سهرت أعد نجوم السما

ياما احتجت للحب ياما دوبني الحنين ياما كنت انا ملك الاحزان

جتني انتا نسيتني كل همي ** كتبت كلمة بحبك انا بدمي

مش هنساك يا غالي انا صدقني ما حبعد عنك مهما كـــــــــان

صالحت بيك الدنيا واحلوت ايامي ** ما خلاص لقيتك يا فارس احلامي

انا هفضل احبك انتا ومش هحب غيرك انتا يا اغلى واجمل انسان

خدني وضمني بين احضانك ** خليني اوهبلك عمري عشانك

ضمني بقلبك نسيني كل لحظة مكنتش جنبك فيها ومدقتش فيها حنان



ويجا معجب بهذا.


 
من مواضيعي في كريزي مان

* أمى
* أن لأحلامك أبواب!!
* ثلاثة أعمال تحرم بدنك عن النارفلا تفوتها
* ترجمة أحاسيس
* صفات السبعين ألفاً الذين يدخلون الجنة بغير حساب
* رصاصة مدفوعة الثمن والضمير مااات
* دعاءرائع في سورة البقرة
* رسائل أمل
* سبـع ورود تقطفها تجعلكـ انسآناً آخر
* القدر المؤلم

لولو330
افتراضي رد: مدونة الشاعر مللك الأحزان خالد الكينج

حـــــــــــلم عمــــــــــري
اه يا قلبي من حظي في الغرام

ولا يوم يا قلبي ضحكتلي الايام

كل قصة حب بعيش فيها

تنتهي من قبل ما نبتديها

عذبتني الايام وسهرت لياليها

وفي الآخر كان حب من اوهام


كان حلم عمـــــــــــــري

إني أحبك يا عمـــــــري

لكن مفيش نصيب

لسه جاي اعترفلك

على باب بيتك واقفلك

تطلعلي ومعاك حبيب


كنت بحلم بيك تبقى من نصيبي

كنت بفرح لما اشوفك

كنت اشاور واقول للناس اهو حبيبي

دلوقت محروم حتى اشوفك


في الوقت اللي بقيت فيه جريء

جيت لعندك بضحكة طفل بريء

لكن خابت كل ظنوني

بقيت ضعيف وخايف ومكبوت

بقيت حاسس نفسي بموت

كل ما تسيل دمعة من عيوني


كان حلم عمري لكن ضاع عمري ومات حلمي

فقدت الأمل في الحب نسيت حتى حروف اسمي

الوحيدة اللي انا حبيتها بضمير

اللي فارقني عشانها ناس كتير

ضاعت مني راحت لغيري وانتهى في الحب حكمــي


كان حلم عمــــــــري الوحيد

انك تكون حبيبي الوحيد

لكن مفيش نصيب



ويجا و *لينا* معجبون بهذا.


 
من مواضيعي في كريزي مان

* أمى
* أن لأحلامك أبواب!!
* ثلاثة أعمال تحرم بدنك عن النارفلا تفوتها
* ترجمة أحاسيس
* صفات السبعين ألفاً الذين يدخلون الجنة بغير حساب
* رصاصة مدفوعة الثمن والضمير مااات
* دعاءرائع في سورة البقرة
* رسائل أمل
* سبـع ورود تقطفها تجعلكـ انسآناً آخر
* القدر المؤلم

لولو330
افتراضي رد: مدونة الشاعر مللك الأحزان خالد الكينج

وآدينا عايشين
وآدينا عايشين وهنعمل ايه

في نصيبنا اللي اتقسم لينا

بنخبي الجرح ونداريه

نضحك والدمع مالي عنينا


الفرحة معرفناهاش الضحكة مشفناهاش

واللي ضحينا عشانه في الآخر باعنا ببلاش


وآدينا عايشين وهنعمل ايه

راضيين بنصيبنا وقسمتنا

الشوك في طريقنا ماشيين عليه

لولا الدمعة مكنتش ضحكتنا


عشنا حياتنا بالعذاب والقلب من الحزن داب

تعبنا ودبنا وغلبنا وانجرحنا من غير اسباب


وآدينا عايشين وهنعمل ايه

حياة ولازم نعيشها

الحب تاهت مننا معانيه

وحياتنا الفرح مبقاش يوحشها


كل العشاق ظلمونا معاهم جرحونا وحرمونا من دواهم

هنعمل ايه يا قلبي في نصيبنا الله يجازيهم عاللي شفناه فهواهم


وآدينا عايشين وهنعمل ايه

ده نصيب مكتوب فوق الجبين

معرفش بدور عالفرحة ليه

وانا مكتوب عليا اعيش حزين


حياتي ما ارتحتش فيها مالقيتش غير دمعة ببكيها

مجروح في قلبي جروح كتيرة صعب اي طبيب يقدر يشفيها


وآدينا عايشين وهنعمل ايه

في نصيبنا اللي اتقسم لينا

نخبي الجرح ونداريه

نضحك والدمع مالي عنينا




ويجا و *لينا* معجبون بهذا.


 
من مواضيعي في كريزي مان

* أمى
* أن لأحلامك أبواب!!
* ثلاثة أعمال تحرم بدنك عن النارفلا تفوتها
* ترجمة أحاسيس
* صفات السبعين ألفاً الذين يدخلون الجنة بغير حساب
* رصاصة مدفوعة الثمن والضمير مااات
* دعاءرائع في سورة البقرة
* رسائل أمل
* سبـع ورود تقطفها تجعلكـ انسآناً آخر
* القدر المؤلم

لولو330
افتراضي رد: مدونة الشاعر مللك الأحزان خالد الكينج

الدنيـــــا مـــــــش دايمــــــــة
يا قلبي الدنيا مش دايمة

ليه تزعل على واحد خان

اكتب وسجل عالقايمة

واثبت دي عندك زمان

القلب دايب والروح هايمة

ومفيش حب مفيش حنان

انا عتبي على الناس اللايمة

وبقول عجبي عليك يا زمان


يا قلبي الدنيا زايلة صدقني مش حتدوم

مش مستاهلة انك تعيش كده في هموم

سيبك من اللي باع هو اللي اختار سكة الضياع

انسى يا قلبي وبلاش تفكر كتير

ليه تزعل على واحد عديم الضمير

انسى وسيبك خلي اللي يزعل يزعل واللي يلوم يلوم


الدنيا مش دايمة مش مستاهلة تعيش حزين

مجتش على حبيبي معظم الناس خاينين

ليه نلوم على واحد خان هو ونصيبه سيبه للزمان

بكره هيندم ويرجعلك هنا بس هقوله ملكش مكان

هرجعه بدموعه والدمع سايل منه بحور

عشان يتعلم انه ميكونش تاني مغرور

مش هوافق على رجوعه خليه يدوق العذاب والانين


زي ما باعني وسابني من غير سبب

اسمه ده نسيته ومن تاريخ حياتي انشطب

اندم ليه عليه خلي يندم ويعيش بدموع عنيه

هو اللي خانني وباعني من غير ما اعرف ذنبي ايه

انا كرهته كرهت نفسي عشان حبيته

انا مش هرجعله تاني انا خلاص نسيته

قال عايز يخونني وارجعله دي حكاية والله عجب


يا قلبي الدنيا مش دايمة

ليه تزعل على واحد خان

اكتب وسجل عالقايمة

واثبت دي عندك يا زمان



ويجا معجب بهذا.


 
من مواضيعي في كريزي مان

* أمى
* أن لأحلامك أبواب!!
* ثلاثة أعمال تحرم بدنك عن النارفلا تفوتها
* ترجمة أحاسيس
* صفات السبعين ألفاً الذين يدخلون الجنة بغير حساب
* رصاصة مدفوعة الثمن والضمير مااات
* دعاءرائع في سورة البقرة
* رسائل أمل
* سبـع ورود تقطفها تجعلكـ انسآناً آخر
* القدر المؤلم

لولو330
افتراضي رد: مدونة الشاعر مللك الأحزان خالد الكينج

مـــــوال ( يا مفرقين الحب )
يا مفرقين الحب على القلوب انا فين نصيبي

بقالي سنين مجروح ما سمعتش كلمة حبيبي

محدش حن عليا في يوم او يواسيني في تعذيبي

كل ما انجرح اسكت واقول اعمل ايه يا قلبي في نصيبي


كل احزان الكون في كفة وانا حزني في كفة

انتوا ياللي بتجرحوني كفاية ده الزمن كفى ووفى


يا مفرقين الحب على القلوب قولولي نصيبي فين

اشمعنى غيري بيضحك وانا عايش يا عيني بدموع العين


صبرت كتير على همي والحزن خلاص سكن قلبي

كل يوم دموعي سايلة ابكي ومش شايف حد جنبي

انا زرعت للناس ورودي زرعولي هما الشوك في دربي

ليه اعمل خير معاهم وفي الآخر ينكروا اخلاصي وحبي


يا مفرقين القسوة على القلوب ليه تفرقوها على قلوب حبايبي

يا مفرقين القسوة على القلوب كفاية قسوة ده كله حمل على قلبي


يا مفرقين الحنان على القلوب ياريت شوية حنان

يا مفرقين الراحة انا عايز ارتاح بقالي كتير تعبان


نسيت اسمي ونسيت بلدي وعنواني

رحال وتايه توهتني رحلة احـــــــزاني

ليه كل ما احب انسان يبعد وينساني


فين ضحكتي فين بسمتي قلي يا زمان

فين الحب فين الرحمة راح فين الأمان


يا مفرقين الحب على القلوب اشمعنى قلبي محروم

من زمان وانا بواسي الناس وانا اكتر واحد فيهم مظلوم


يا مفرقين الحب على القلوب انا عايز حقي

بكيت كتير وتعبت كتير ده حتى البسمة مش من حقي


يا مفرقين الحب على القلوب مش عايز حاجة منكم

مش عايز حب مش عايز رحمة ده الصبر فاض منكم

وقلبي الغلبان هيعيش محروم من الحب

اشكي لربنا منكم يا مفرقيــــــــن الحب


ويجا و *لينا* معجبون بهذا.


 
من مواضيعي في كريزي مان

* أمى
* أن لأحلامك أبواب!!
* ثلاثة أعمال تحرم بدنك عن النارفلا تفوتها
* ترجمة أحاسيس
* صفات السبعين ألفاً الذين يدخلون الجنة بغير حساب
* رصاصة مدفوعة الثمن والضمير مااات
* دعاءرائع في سورة البقرة
* رسائل أمل
* سبـع ورود تقطفها تجعلكـ انسآناً آخر
* القدر المؤلم

لولو330
افتراضي رد: مدونة الشاعر مللك الأحزان خالد الكينج

كنت عارف انك هتضيع
كنت عارف انك هتضيع من بعدي

وبرغم ده خلتني اسيبك اجباري

اخلفت كل وعودك وانا ما اخلفتش وعدي

ورضيت معاك بعذابي وجرحي ومراري

حبيبي انا سبتك معدتش تيجي عندي

انا قلت كلمة ومستحيل ارجع في قراري

ما انتا قلت نسيانك ازمة وهتعدي

انا شايفك ضايع من بعدي لكن انتا بتداري

شفت غرورك وصلك لفين

لجرح وعذاب انتا مش قده

ال راجعلي بدموع العين

ودموعه سايلة على خده

حبيبي انتا اللي طلبت النسيان

وانا قلتلك تحت امرك انساك

دلوقت راجعلي وانتا ندمان

شكلك ما لقيتش حد يقدر حبك وهواك

على فكرة حبيبي انا هقبل رجوعك

عشان قلبي كبير ومسامح

انا بجد اتأثرت جدا بجرحك ودموعك

انا هقبل رجوعك وانسى اللي انتا عملته مبارح


ويجا و *لينا* معجبون بهذا.


 
من مواضيعي في كريزي مان

* أمى
* أن لأحلامك أبواب!!
* ثلاثة أعمال تحرم بدنك عن النارفلا تفوتها
* ترجمة أحاسيس
* صفات السبعين ألفاً الذين يدخلون الجنة بغير حساب
* رصاصة مدفوعة الثمن والضمير مااات
* دعاءرائع في سورة البقرة
* رسائل أمل
* سبـع ورود تقطفها تجعلكـ انسآناً آخر
* القدر المؤلم

لولو330
افتراضي رد: مدونة الشاعر مللك الأحزان خالد الكينج

أول حــــب فـــي حيـــــاتــــي
أول حب في حياتي

كان اصعب حب في حياتي

دمرني عذبني زلزلني

وبسابع ارض نزلني

فوق جناحات الحزن حملني

رجعني لجروحي وذكرياتي


كنت كل يوم اوعد قلبي بحب جديد

وقلبي يطير من الفرحة يسألني واحكيله اكيد

مسكين قلبي عمره ما كان يوم سعيد

وانا اللي قتلتني الوحدة من صغري وحيد


انا وعدت قلبي بحب صادق وقلبي يرجف خوف وخجل

احكيله اصبر يا قلبي بكرة بنشوفها وعاش قلبي ع الامل

وبأول يوم شفتها سألتني مرتبط قلت لا ما صدقتني

سألتها مرتبطة قالت لا تاني يوم قالت انا بحب انسان غيرك

رجعتني بدموعي حزين اول حب في حياتي كان نهايته الفشل


اول حب في حياتي اول مرة اآمن لإنسان

اول مرة احس اني محتاج حب وشوق وحنان

وبلحظة كنت بحلم ارتاح لقيت دموع والم وجراح

ما غلطت بحق حبيبي حبيبي هو اللي كان غلطان

وعدني اول يوم بحبه تاني يوم شخص غيري عاش بقلبه

قلبي اللي نفسه يفرح قلبي اللي عمره ما فكر يجرح

من اول حب انجرح وانظلم وشاف العذاب اشكال والوان

اول حب في حياتي انا الحب اللي انتظرته اكتر من سنة

دفعت ثمنه حزني وعذابي وطلعت بالآخــــــــر خســـران


أول حـــــــــــــب فــــــــــي حيــــــــــــــاتـــــــــــــــي


ويجا معجب بهذا.


 
من مواضيعي في كريزي مان

* أمى
* أن لأحلامك أبواب!!
* ثلاثة أعمال تحرم بدنك عن النارفلا تفوتها
* ترجمة أحاسيس
* صفات السبعين ألفاً الذين يدخلون الجنة بغير حساب
* رصاصة مدفوعة الثمن والضمير مااات
* دعاءرائع في سورة البقرة
* رسائل أمل
* سبـع ورود تقطفها تجعلكـ انسآناً آخر
* القدر المؤلم

لولو330
افتراضي رد: مدونة الشاعر مللك الأحزان خالد الكينج

ما يهمنيـــــــــــــش
ما يهمنيــــــــش ان كنتي مغلوبة او غالبة

ما يهمنيش دي حكاية وخلصت ومش طالبة

اللي يهمني انا انا انا

ولو ضاع في حبك اكتر من سنة

هقدر على بعدك انا

وهنساكي وهنسى هواكي دي حاجة سهلة مش صعبة


ما يهمنيـــــش لو تبعد او تغيب

مش هغصبك انك تهواني

انا راضي بحكم القدر والنصيب

وراضي بعذابي واحزاني

وان كنت فاكر نفسك حبيب

لا ده انتا غدار وأناني


ما يهمنيـــــــش حبك لو كنت اخر انسان في الكون

ابيعك لو كنت مني وهتلاقيني بلعب دايما ع المضمون

ما يهمنيش تكون قريب او بعيد

ما يهمنيش لو اعيش طول عمري وحيد

مش هتفرق ان عشت حزين او عشت سعيد

اصلي عايش في دنيا بتلاعبني على ألف لون ولون


ما يهمنيـــــــــــش ما يهمنيــــــــــــش

انا مخلوق عشان اموت ولا عشان اعيش

تعبت اضحي لناس ما يستاهلوش

تعبت احب واخلص لعالم وحـــــــوش

مليت من حبك ارفع سعرك وانتي ما تساويش


ما يهمنيـــــــــــــــــــش


ويجا و *لينا* معجبون بهذا.


 
من مواضيعي في كريزي مان

* أمى
* أن لأحلامك أبواب!!
* ثلاثة أعمال تحرم بدنك عن النارفلا تفوتها
* ترجمة أحاسيس
* صفات السبعين ألفاً الذين يدخلون الجنة بغير حساب
* رصاصة مدفوعة الثمن والضمير مااات
* دعاءرائع في سورة البقرة
* رسائل أمل
* سبـع ورود تقطفها تجعلكـ انسآناً آخر
* القدر المؤلم

إضافة رد

مواقع النشر (المفضلة)

الكلمات الدلالية (Tags)
مللك, مدونة, الأحزان, الشاعر, الكينج, دالي



جديد مواضيع قسم القلم الجريح
الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة



الساعة الآن 04:12 PM.


Powered by vBulletin® Version 3.8.1
Copyright ©2000 - 2017, Jelsoft Enterprises Ltd.
Content Relevant URLs by vBSEO

جميع المواضيع والمشاركات المكتوبة تعبر عن وجهة نظر صاحبها ... ولا تعبر بأي شكل من الأشكال عن وجهة نظر إدارة المنتدي

1
دردشة كريزي مان اون لاين
دخول الاعضاء